Heillaráð

Aldrei er góð vísa of oft kveðin.

 

Dust If You Must   

Dust if you must.
But wouldn't it be better
to paint a picture, or write a letter,
bake a cake, or plant a seed.
Ponder the difference between want and need.  

Dust if you must.
But there is not much time,
with rivers to swim and mountains to climb!
Music to hear, and books to read,
friends to cherish and life to lead.  

Dust if you must.
But the world's out there
with the sun in your eyes, the wind in your hair,
a flutter of snow, a shower of rain.
This day will not come round again.  

Dust if you must.
But bear in mind,
old age will come and it's not kind.
And when you go, and go you must,
you, yourself, will make more dust.  

- Anonymous  

Njótum dagsins lífsins og hvers annars

Blóm dagsins - hið daglega blóm ...........

 Sem er lavender blóm fær hún Dúddý þjónustufulltrúi í Sparisjóði Mýrarsýslu.

Heiðarleg og góð þjónusta þar og ekkert vesen.

thechildhealthsite.com

Þar sem ég er löööögggggst í eymd volæði og eymingjaskap ætla ég að dunda mér við að fara á síðuna www.thechildhealthsite.com og klikka á þar til gerðan takka börnum til stuðnings.

Trúlega er það af hinu góða.

 

Hef fulla trú á að Jóhanna framkvæmi.

Ég hef löngum haft trú á Jóhönnu Sigurðardóttur, trúað því og treyst að hún geri allt sem í hennar valdi stendur til að bæta kjör þeirra sem þess þurfa.

Það er seigla í henni og seigla kemur mörgu áleiðis.  Þörf er á þjónustufulltrúum víðar en hjá fólki með banvæna sjúkdóma það er mín reynsla af svo mörgu í samfélaginu.

Við systkynin hefðum þegið með þökkum einn þjónustufulltrúa eða svo þegar mamma smátt og smátt datt út úr heiminum sökum heilabilunar.

Örlítið hefur fyrnt yfir ferlið allt en þvílík þrautarganga, við vorum send hingað og þangað út um alla borg, dag eftir dag, mánuð eftir mánuð, ár eftir ár.

En það góða er, hún stödd í dag á lokaðri deild fyrir heilabilaða, já það er lokaáfangastaður hennar.

Svo verða þessir væntanlegu þjónustufulltrúar að hafa eitthvað vald.  Annars verða þeir vænir blýantsnagarar, ég hef þá trú að ekki þurfi að fjölga þeim.

Athugar stöðu fólks með banvæna sjúkdóma

Með sorg í hjarta ...........

Og létt í lund fagna ég verklokum.   

Ég er glöð með mig.

 

Les í afmælisdagabókinni sem er hér í nándinni:

“Hver er sínum hnútum kunnugastur„ 

Ég á reyndar ekki afmæli í dag nema að ég er deginum eldri en í gær, það er vel.

Teygji ég út vinstri höndina og gríp um það sem hendi er næst þá er það bók.  Daily word for women, 365 days of love, inspiration, and guidance.  Ég ætla að opna bókina og sjá hvar ég lendi.

Dagur 195: “As I let go and place everything in GOD's care, I begin to see the bigger picture.„

Þessu trúi ég.

Teygji ég út hægri höndina og gríp fyrstu bókina sem þar er:

Love you forever, bók sem ég fékk senda, þegar frumburður minn ákvað að taka sitt eigið líf, frá stóru systur minni í Ameríku.

Stefið í bókinni er :

 I'll love you forever,

I´ll like you for always,

As long I'm living

my baby you´ll be.

Falleg bók.

Taki ég mig til og rétti aðra eða báðar hendur beint fram verður skjárinn kámugur.  URR!  ég þarf að þrífa hann sjálf!!!!!!!!!

 

Mitt vandamál og vandræðagangur er fólgin í ákvarðanatöku.  Málið er einfalt Hafdís mín hvíslar tvíburasystir mín ( sú vonda) í eyrað á mér: Taktu ákvörðun og málið er leyst!!!!

Illu er best slegið á frest stendur örugglega einhversstaðar.

Ekki gera neitt í dag sem þú getur geymt til morguns sagði sérvitringur nokkur við mig dag einn fyrir margt löngu.

Ef ég tek ákvörðun núna sem er yfirmáta skynsamlegt, jafnvel gáfulegt.  Og það er smart að halda eigin gáfum fram, þá fylgir böggull skammrifi!

Hvað gerist ef engin eru vandamálin og vandræðagangurinn í lífi mínu?

Jahérnahéroghananú, sletti í góm, dossa og slæ mér á lær.

Kíki hér með undir feldinn minn góða og hugsa málið.

Mér leggst alltaf eitthvað til en feldskúrið eflir andann.

  

Alltaf kát.

 

Svona lít ég út eftir að hafa vakað hálfa nóttina.

Og lýg engu:

 

Alsæl með kaffibollan og sé að tími er komin til að tína á sig spjarirnar.

 

Geng glöð út í daginn.

 

 

 

Slæm samviska.

Þeir sem geta ekki sofið eru með slæma samvisku segir hann Gösli minn. Og hann lýgur ekki frekar en mogginn.

Þar með er komin skýring á veru minni hér við tölvu um hánótt.

Nú er komið að verklokum, sex mánaða verkefni að ljúka. Spennan er mikil þarf að hringja þegar svipirnir eru sofnaðir og mennirnir komir á stjá.  Þá fæ ég að vita nánar um hvað í þessum degi felst og þeim næstu.

Ekkert dularfullt á ferðinni en ekki heldur neitt sem er merkilegt í sjálfum sér, en ég á sjálf eftir að öðlast vitneskju um hvað verður.

Ef allt fer vel, hvað er þá ein vökunótt að sumri? Ef allt fer illa, hvað er þá ein vökunótt að sumri?

Allavega er sama hvort ég vaki eða sef, ekkert verður ljóst fyrr en eftir sjö í fyrramálið.

Og ég sef bara næst.

Ég velti því fyrir mér hér og nú hvort einhver hafi dáið úr svefnleysi!!!!!!!!!!!!!!  Örugglega ekki eftir eina svefnlausa nótt.

Á svona nóttum finnst mér ekki gott að búa í fjölbýlishúsi hér í Reykjavíkinni, betra væri að vera í einbýlinu með honum Gösla mínum í Borgarnesi og hlusta á hroturnar, vita af honum inn í rúmi, setja tónlist á.

Snúast í kringum sjálfan mig án þess að hafa áhyggjur af því að maðurinn með stutta pissið vakni! Eða konan með hóstann. Og svo framvegis og svo framvegis.

 

Njótum þess sem við höfum.

 

 

Vendi mínu kvæði í kross.

 

Húsið og garðurinn

Ég er ekki mikil húsmóðir og ekki heldur mikill garðyrkjumaður þrátt fyrir að eiga bæði stórt hús og stóran garð.  En það kemur fyrir að ég tek til hendinni aldrei báðum og geri sitthvað sem þarf, þá koma ilmkjarnaolíur sér vel eins og allstaðar annarsstaðar.
 
Ilmkjarnaolíur settar í ilmdreifara hjálpa til við að eyða lykt auk þess sem þær eru bakteríu- og sveppaeyðandi einnig góðar í baráttunni við vírusa sem sveima óboðnir um.  

Þegar um herbergisilm er að ræða er gott að nota ilmjarnaolíur með ilmi sem heillar þig eða þann sem á herbergið þar sem úðinn er notaður.    

Góðar ilmkjarnaolíur í baráttunni við slæma lykt að einhverjum toga: Lemon, Clary Sage, Geranium, Bergamot, Lavender, Grapefruit og Lime.  Aðrar ilmolíur eru lyktarsterkari eins og Clove bud og Cinnamon.

Gott er að hafa í huga að allar ilmkjarnaolíur eru bakteríueyðandi, sveppaeyðandi, veirueyðandi og sótthreinsandi upp að vissu marki auk þess að vera lykteyðandi gefa þær frá sér góðan ilm.  

Garðplöntu úði

 

40 d Lemongrass
40 d Lavender
10 d Rosemary
10 d Geranium

120 ml vatn

Blandið öllu vel saman og setjið í úðabrúsa. Hrista vel fyrir hverja notkun.  Úðið á plönturnar eftir þörfum. Annan eða þriðja hvern dag er nokkuð gott.

Allt svo ilmandi gott og glöð geng ég inn í daginn.

Njótum dagsins lífsins og hvers annars.

 

 

Bukta mig í auðmýkt.

Sylvía Ólafsdóttir nokkur setti upp þrifnaðaráætlun fyrir þá sem þurfa, set hana hér:

Að losa drasl

Að nota 15 mínútur daglega til að losa drasl, nota 27-hluta aðferðina og hreinsa heitu svæðin á heimilinu eru áhrifaríkustu aðferðirnar sem þú getur notað til að eignast friðsælt og snyrtilegt heimili.   Mundu að þú kemur aldrei skipulagi á draslið - þú getur bara komið hlutum sem þér þykir vænt um snyrtilega fyrir.

Hér eru nokkur ráð:

1. Hvenær á að losa drasl? Ákveddu hvenær dags þú ætlar að hreinsa til á svæðinu. Gerðu smá á hverjum degi - notaðu vekjara og stilltu tímann.  Passaðu þig á því að fá ekki tiltektaræði. Þegar maður er einu sinni byrjaður, hættir manni til að geta ekki hætt.  Ekki ofgera þér, gerðu bara smávegis í einu.  Heimilið varð ekki skítugt á einni nóttu og verður ekki þrifið á einum degi. Þegar þú stillir vekjarann þá máttu í mesta lagi taka tvær 15 mínútna lotur.  Þér finnst þetta kannski ómögulegt núna, en þetta hefst í hænuskrefum.  Eftir örfáa mánuði verður heimilið algjörlega laust við drasl.
    
2. Hvað þarf til? Þú þarft ruslapoka, kassa, merkimiða og afþurrkunarklút. . Merktu kassana með: gefa, geyma eða henda.  Settu ruslapoka ofan í henda-kassann, svo hendirðu pokanum út þegar þú ert búin með lotuna.
    
3. Stilltu vekjarann: í 60 mínútur (eða 30, 15, eða 10 mínútur - skiptir engu máli).  Byrjaðu bara að vinna og passaðu þig að taka ekki meira drasl fram en þú getur gengið frá aftur á skömmum tíma.  Þetta þýðir t.d. ein skúffa í einu, ein hilla í skápnum, einn blaðarekki eða kíkja undir húsgögnin á svæðinu. Ekki allt í einu!
    
4. Byrjaðu við inngang rýmisins: Farðu svo réttsælis í hring.  Ekki sleppa úr hluta.  Hvað sem er næst í röðinni, taktu það fyrir.
    
5. Losaðu drasl! Með kassana við fæturnar á þér og afþurrkunarklút í vasanum, byrjaðu að losa þig við þá hluti sem mega missa sín í þessu rými.  Settu rusl í henda-kassann, það sem hægt er að gefa í Rauða Krossinn o.þ.h. í gefa-kassann og það sem þú vilt geyma/koma fyrir annars staðar í geyma-kassann..  Ekki hafa áhyggjur af því að þú hafir ekki pláss fyrir þetta annarsstaðar.  Þegar þú verður búin þá muntu sko hafa pláss!
    
6. Hverju á að henda? Þú skalt spyrja sjálfa þig að eftirfarandi spurningum:
   • Þykir mér vænt um þetta?
   • Hef ég notað þetta á síðastliðnum 12 mánuðum?
   • Er þetta rusl?
   • Á ég annað svona sem er betra?
   • Þarf ég að eiga tvennt?
   • Hefur þetta tilfinningalegt gildi fyrir mig?
   • Eða veldur það mér bara vanlíðan að sjá þetta?

    

7. Henda-kassinn! Þegar henda-kassinn fyllist, taktu þá ruslapokann úr og bara út í tunnu með hann!  Settu nýjan poka í kassann og áfram með smjörið ef lotan er ekki búin.
   
    
8. Gefa-kassinn: Þegar gefa-kassinn fyllist, lokaðu honum og settu hann inní bílinn þinn.  Næst þegar þú þarft að nota bílinn skaltu fara með hann á viðeigandi stað. Ekki safna í bílskúrssölu eða fyrir tombólu, þú færð margfalt til baka það sem þú gefur í burtu.  Mundu að þú ert að reyna að losa heimilið við drasl, ekki endurraða því heima fyrir.  Náðu svo í annan kassa, merktu hann sem gefa-kassa og haltu áfram að vinna.
    
9. Geyma-kassinn:  Þegar geyma-kassinn er orðinn fullur, taktu hann þá upp og gakktu um heimilið og settu hvern hlut í það rými sem hann á að vera í.  Ef þeir eiga sér ákveðinn stað, settu þá þar, en annars í viðeigandi rými.  Þegar þú hefur lokið við að hreinsa heimilið af drasli mun hver hlutur eiga sér ákveðinn stað.
    
10. Þegar bjallan hringir: Þá skaltu koma öllum kössunum fyrir, en ganga fyrst frá öllum hlutum í geyma-kassanum, eins hratt og þú getur.
    
    Fara til baka

 

Ég elska svona fólk eitt blóm fyrir hana

 

Njótum dagsins. 

© 2006 www.sylviaolafsdottir.com

 

Hið daglega blóm ...........

 Fá lögreglumenn í Reykjavík og nágrenni, fyrir að hafa sinnt störfum sínum með sóma í vetur.  Komið strax og ég hef kallað, hjálpsamir og ljúfir. Bjargað mannslífi/mannslífum oftar enn einu sinni og komið í veg fyrir mikinn mannlegan harmleik.