Bloggfærslur mánaðarins, júlí 2008

Við hvern á ég að viðra skoðanir mínar?

Bilað!!!!!!!!!!

Engin til að skoða skoðanir mínar!!!!!!!!!!!!

Hvert fer líf mitt!!!!!!!!!!!!!!!!!!

Hef engan til að nöldra við!!!!!!!!!!!!!!!!

Ekkert að lesa um!!!!!!!!!!!!!!!!

Æjæjæjæjæjæjjjjjjjjjjjjjjjjj-------------

Eymingja ég.

Hvað á ég að gera við tíma minn ef ég hangi ekki í tölvunni?

Hvar hefur líf mitt lit sínum glatað-hvar er gleðin mín-hvar er sorg mín-hvar er líf mitt?????????????????????????

 

Ekki láta bloggheimin hverfa takk, ég þyrfti þá jafnvel að fara að tala við fólk.

 

Njótum dagsins, lífsins og hvers annars.


Afmæli-afmæli-afmæli-afmæli-afmæli-afmæli

Hún dóttir mín á afmæli í dag.  Húrra-húrra-húrra.Heart

Hún á afmæli í dagSmile

Hún á afmæli í dag

Hún á affffffffffffffffmæææææææææææææææli hún Soffía.

Hún á ammæli í daaaaaaaaaaaaaaaag.

Water lilies


Þúfnagangur og þvælingur

Á gamals aldri -á fögrum stað fjarri mannabyggð - stunda ég þúfnagang.  Já ýmislegt læt ég yfir mig ganga, það sem er áhugaverðara er sú staðreynd að enginn þvingar mig!!!!!!!!!!!!!!!!!!

 

Sjálfviljug vappa ég um mýrar og móa - þúfur og þverhnýpi.  Svei mér þá það er ekki í lagi með mig.

Ég dossa nú og slæ mér á lær.  Ætla samt að taka af mér dönsku skóna og skunda í þúfnabrölt.------------- Þeir seigja gárungarnir að ég fái fallegan rass!

Ekki veitir af.

 

Njótum dagsins.


Hamingjusama konan

Ég vaknaði hamingjusöm í sál og líkama þennan einmuna fallega dag sem er hér í sveitinni.  Óskaplega er ég heppinn að fá að lifa, svona góðan dag einu sinni enn.

Þegar kyrrðin er í sálinni og umhverfinu, spyr ég sjálfan mig á stundum - Þarf ég eitthvað meir?

Sem móðir, kona, meyja í mörgum hlutverkum og leikritum lífsins -ELSKA ÉG AÐ VERA ÉG - VERA TIL- VERA-VERA-VERA.

 

Njótum hvers annars dagsins og lífsins.

 


Móðgaðir kettir

Ég held ketti.

Tvo svarta ketti og er með einn svartann sem kemur einatt inn um gluggann til að fá sér næringu.

Þegar ég bregð mér af bæ hugsar Gösli minn um kisurnar.  Þegar ég kom í Borgarnes eftir nokkura daga fjarvist upphófst mikið mjálm og klögumál.

Ég mjálmaði að sjálfsögðu á móti, og að lokum eftir mikið japl juml og fuður fékk ég skilning án vandræðagangi heimiliskattanna.

Gösli hafði fóðrað þá með hundamat!  Sagðist reyndar aðspurður hafa haldið fyrir myndina af hvutta en eftir sitja móðgaðir kettir, kona að nálgast sextugt öll dálítið hvumsa.

 

Njótum dagsins og hvers annars.


Fjöldamorð.

Fjöldamorðingi er ég með sann.

Ekki vísvitandi og viljandi heldur ræð ég ekki við að sveigja fram hjá öllum flugum sem verða á vegi mínum á þjóðvegum landsins.

Einnig hef ég í dag, þennan góða blíðviðris dag  drepið fugl.

Svo segist ég vera með góða samvisku og ekki gera flugu mein!

 

Jæjja ég endurhugsa málið.

 

Njótum hvers annars, dagsins og lífsins.

 


Eyjafjarðarsveitin fögur og frambærileg.

Í Eyjafjarðasveitinni dvel ég um hríð, ég held svei mér þá að ég fari sveitinni vel og hún mér.

Einmuna blíða dag eftir dag, Akureyri skammt undan, Munkaþverá að baki, Hrafnagil framundan - er nokkuð yndislegra.

Ég er í vellíðan - velsæld og laus við kreppu og kjökur.

 

Njótum dagsins lífsins og hvers annars.


Mennirnir í lífi mínu.

Eru margir góðir, gáfulegir, fallegir og föngulegir.  Svo vill til að í dag er hann Gösli minn 65 ára. Til hamingju með það minn elskulegi.

Gösli

Litla barnið hennar mömmu sinnar á einnig afmæli í dag orðin 26 ára vá hvað tíminn líður hratt.  Til hamingju með daginn mömmuhnúður.

 

 Hlynur B

 

Þeir fá blóm í tilefni dagsins.

 

 Blóm í vasa

 


Þetta eina líf sem ég á og hrukkurnar.

Hrukkur eru yndislegar, broshrukkurnar í kringum augun, fátt fegurra, blikið í augum sem fylgja brosi sem nær lengra en að sýna tennur á vinarlegan máta.

Stundum á förnum vegi næ ég augnsambandi við fólk sem mæti. Ég á það til að brosa hlýlega - lyfta augabrúnum glaðlega og kinka kolli.

Viðbrögð eru margvísleg en oftast bros og örlítil höfuðhneiging.  Ég trúi því einlægt að bros kalli fram bros, stundum verður fólk örlítið ráðvillt á svip eins og það vilji spyrja: Hver er þetta nú aftur? Andlitið kunnuglegt en ég man ekki hvaðan ég kannast við það eða persónuna sem á þetta brosandi andlit!

 

Ég fæ bros og hjartað slær hraðar. Dagurinn minn verður betri og um leið allra sem ég umgengst.

 

Njótum dagsins lífsins og hvers annars.

 


Gott að vera ég.

Það er stundum svo í lífinu að erfitt er að skilja það sem fram fer í umhverfinu. 

 Ég velti því fyrir mér á stundum reyndar þýðir stundum núna oft og einatt -  hvað það er gott að vera ég.  Betra með hverri hrukku og hverju ári.

Ekki sjálfgefið ég hef unnið hörðum höndum fyrir hverri hrukku, hverju gráu hári, hlátrinum, gleðinni, sorginni og sælunni. 

Reynslan gerir mig að þeirri manneskju sem ég er sem í dag: 

ég vakna sátt, geri á mér morgunverkin reyni að vanda mig og vera í sparifötunum bæði i orði og æði daglangt, geri á mér kvöldverkin og sofna sátt.

Í dag er gott að vera til.

 

Njótum dagsins lífsins og hvers annars.


Innskráning

Ath. Vinsamlegast kveikið á Javascript til að hefja innskráningu.

Hafðu samband