Á viktina með þig góða mín ........

Ég er nú aldeilis sammála þessu, þeir sem eru yfir fimmtíu kíló eiga að borga umfram fyrir hvert kíló, umfram  kíló X 5000 kr.

Og farmiðaverð eftir hæð, umfram 155cm hver cm X 5000 kr.

Farmiðaverð miðað við ljótleika,  kvarði frá 1-10 x 5000 kr.

Og ekki má skilja þá gömlu eftir, eftir þrítugt, árafjöldi x 5000 kr.

Mér finnst að karlmenn eigi að borga meir en konur því þeir eru metnir til meiri tekna í þjóðfélaginu.  Tíuþúsund auka fyrir að vera karlmaður.

Ekki má gleyma skóstærðinni, þeir sem eru með stærri fætur en komast í evrópska skó númer 36 eiga að borga meira. Þúsund kall meira fyrir hvert númer virðist sanngjarnt.

Ég reikna fyrir mig:

Kíló - 55x5000=275ooo.-

Hæð - 23x5000=115000.-

Ljótleiki - 5x5000= 25000.-

Aldur - 26x 5000=130000.-

Skóstærð - 6x1000=6000.-

 

Reikni nú hver fyrir sig.

Svo verður að velta fyrir sér hvort ekki er hægt að fá afslátt með einhverjum hætti til að mynda ef:

 þjónustufólkið um borð er eldra en þrítugt?

þjónustufólkið um borð er með litað hár?

þjónustufólkið um borð er leiðinlegt?

þjónustufólkið um borð er geðvont?

Ogsvoframvegisogsvoframvegisogsvoframvegis.

 

Gott að lífið er tóm gleði. Njótum þess.

Farmiðaverð eftir þyngd

Athugasemdir

[Arnheiður Fanney Magnúsdóttir, 7.6.2008 kl. 22:03]

hahahahahahahahahhaah þú ert snilli...

[Arnheiður Fanney Magnúsdóttir, 7.6.2008 kl. 22:07]

En hvað ef maður er; fagur, mjór, með netta fætur, smár og ungur, fær maður þá kannski afslátt, þannig að það borgar sig að finna einhvern fríðan og mjósleginn ungling til að ferðast með svo hann vegi uppá móti ljótleika-fitubollu kostnaði hjá manni sjálfum hehe.

[Hafdís Lilja Pétursdóttir, 8.6.2008 kl. 08:06]

Takk Ásdís og sömuleiðis.

Fanney það er rétt að athuga meðaltalið.

Ég er búin að flissa mikið yfir þessari frétt og velta vöngum yfir umræddri speki.  Auðvitað er vont að vera of feitur í flugvél = flæða yfir sætin beggja vegna.

Líka er óþægilegt að sitja hjá feitu fólki sem er komið hálft yfir í sæti næsta manns. 

Ég veit nú stundum ekki við hvað almenn sæti eru miðuð við í hönnun.

Í það minnsta ekki mitt fólk þar sem allir í minni fjölskyldu eru stórir og stæðilegir.

Við ólumst sem sé upp þar sem var hátt til lofts og vítt til veggja.

Ég las á dögunum í einhverju blaðinu sem er þvingað inn á mig að reka ætti flugfreyjur sem væru feitar.  Ég spyr það eins og fávís kona:

Við hvað er miðað og hvernig er mælt?

Njótum dagsins og lífsins.  Kátar og glaðar lifum við í dag.